De Freideg hate mir héije Besuch an der Ecole Fondamentale Um Ewent. De Kleeschen an den Houseker hu sech et och dëst Joer net huele gelooss, perséinlech bei d’Schoulkanner ze kommen, fir hinnen hir Titercher ze bréngen.
Well de Kleesche grad esou ewéi d’Gemeng Conter vill Wäert op fairen Handel an Nohaltegkeet leet, bestinn d’Titercher wéi och schonn d’lescht Joer aus recycléiertem Material (PET), déi d’Kanner an Zukunft fir hir Bréidecher, Mëtschen, Uebst a Geméis kënne benotzen. De CTF Mutfert-Méideng huet se fir eis ausschliisslech mat Fairtrade-Produite gefëllt.
