D’Gemeng Conter huet de Freideg, den 1. Abrëll hir „Grouss Botz“ organiséiert. Wärend dëser flotter Aktioun kruten d’Participanten – Kanner aus der Schoul « Um Ewent », Mataarbechter aus Betriber vun der Gemeng an Awunner – Händschen an Tuten zur Verfügung gestallt a Kaffi mat Croissanten (fir d’Betribsmataarbechter) bzw. Banannen (fir d’Schoulkanner) zerwéiert.
An der Mëttegstonn huet de Schäfferot d’Participanten invitéiert, un enger Grillade an der Buvette vun der Sportshal « Um Ewent » deelzehuelen. De Mëtteg goufen dann och flott Ateliere fir déi Kleng organiséiert, wou si méi iwwert de Schutz vun eiser Ëmwelt léiere konnten. Mat dobäi war och eis Conciergerie, déi de Kanner gewisen huet, wat fir een Dreck an der Schoul eigentlech ufält.
An eiser Galerie fannt Dir flott Fotoe vum Event.
De Schäfferot vun der Gemeng Conter seet all deenen e grousse Merci, déi fläisseg matgehollef hunn, d’Gemeng méi propper ze maachen – zum Wuel vun der Ëmwelt a vun all Awunner.
